Kreu i Partisë Republikane Fatmir Mediu po zhvillon një takim me kreun demokrat Lulzim Basha, në selinë e PD-së.
Menjëherë pas takimit që Basha kishte me deputetët e rinj, por edhe ata që nuk arritën që të ishin pjesë e listës fituese, në selinë e demokratëve shkoi kreu republikan Fatmir Mediu, emri i të cilit ishte si kandidat në listën preferenciale të koalicionit PD-AN në Qarkun e Tiranës.
Basha ka deklaruar se zgjedhjet e 25 prillit nuk i njeh, pasi sipas tij janë manipuluar, por ka konfirmuar se betejën do ta vazhdojnë në shtator në Kuvend.
Brenda grupit të ri parlamentar ka pasur edhe qëndrime të forta, teksa Mark Marku kërkoi që të nisë vala e protestave kundër qeverisë.
Tashmë pritet që Basha dhe aleatët e tij, Shpëtim Idrizi (PDIU), Dashamir Shehi (LZHK), Vangjel Dule (PBDNJ), Agron Duka (PAA) dhe Famir Mediu (PR), që do të jenë pjesë e parlamentit të ri, të unifikojnë qëndrimet lidhur me aksionin opozitar.
