Ka shumë pyetje nga qytetarët në lidhje me shanset e transmetimit të koronavirusit edhe pas vaksinimit.
Sipas ekspertëve, kjo është e mundur, por rreziku është i ulët.
Aktualisht, shkencëtarët janë ende duke studiuar efektivitetin e vaksinave në kufizimin e përhapjes së virusit.
Ekspertët besojnë se vaksina mund të zvogëlojë gjithashtu shanset që këta njerëz të transmetojnë virusin.
“Një person i vaksinuar ka një kontroll më të mirë të virusit, kështu që shanset e transmetimit zvogëlohen ndjeshëm ” , shpjegon Dr. Robert Gallo, epidemiolog në Shkollën e Mjekësisë në Universitetin e Maryland.
Sipas të dhënave të disponueshme deri më tani, studimet tregojnë se nëse njerëzit të infektuar me virusin pavarësisht se janë vaksinuar , mbajnë një ngarkesë më të ulët virale në hundët e tyre sesa ata që nuk janë vaksinuar, duke e bërë më të vështirë transmetimin e virusit.
Për të konfirmuar këtë teori, shkencëtarët në SHBA po fillojnë një studim me studentë të cilët janë të gatshëm t’i nënshtrohen një testi diagnostikimi ditor për SARS-CoV-2 përmes një testi në hundë.
Duke pasur parasysh pasigurinë dhe praninë e shtameve më ngjitëse, shkencëtarët theksojnë se njerëzit që kanë përfunduar vaksinimin e tyre (me të dyja dozat) duhet të vazhdojnë të mbajnë maska dhe të aplikojnë distancën sociale në vende publike ose kur vizitojnë njerëz të pavaksinuar me rrezik të lartë të COVID-19.
“Ne duhet të vazhdojmë të jemi vigjilentë . Vaksina është e rëndësishme, por nuk është një ilaç që do të ndalojë epideminë nesër ”, tregon Dr. Gallo.
Faktorë të tjerë që mund të ndikojnë gjithashtu në shanset e një personi të vaksinuar për të transmetuar virusin janë normat e vaksinimit në komunitet dhe nëse ka një rritje të shpërthimeve të koronavirusit lokal.
