Partizani triumfoi ndaj Apolonisë me rezultatin 1-0, në javën e 31-të të Kategorisë Superiore, duke marrë për herë të parë këtë sezon, kreun e renditjes i vetëm. “Demat e Kuq”, arritën të parakalonin Teutën që nuk shkoi më shumë se barazimi 0-0 në “Loro Boriçi” ndaj Vllaznisë.
Në një prononcim të dhënë për mediat, pas takimit ndaj Apolonisë, presidenti i të kuqve, Gazmend Demi, evitoi euforinë, për sa i përket kreut të renditjes, duke deklaruar:
“Shumë të rëndësishme shumë janë pikët se e dini që me Apoloninë kemi gabuar. Për të qenë realistë, kemi gabuar dy herë me ta. Por kemi fituar sot.
Kanë mbetur edhe 5 javë. E kemi marrë edhe herë tjetër kreun dhe nuk e kemi mbajtur dot. Të shohim e shpresojmë të shkojmë mbarë”, u shpreh Demi.
