Drejtuesi politik dhe deputeti i dalë nga 25 prillit në qarkun e Gjirokastrës, Tritan Shehu u shpreh se nuk duhet fokusi te kritikat ndaj lidershipit të PD-së, por te shkeljet e rënda të procesit zgjedhor.
Në një intervistë për RTV Ora, Shehut theksoi se duhen lënë pas emocionet dhe mllefet personale të kolegëve të që janë më të nxehur me PD-në se sa me deformimin që i bëri demokracisë ky kryeministër.
Shehu: Unë kam një vërejtje për kolegët kritikë, pasi duhet të fokusohemi te procesi zgjedhor dhe problemet që dolën. Kështu do të dalin shkeljet e rënda të votës dhe demokracisë. Ky është elementi ku duhet të fokusohemi të gjithë. Faktet janë të shumta dhe tronditëse. Të dalim nga emocionet dhe mllefet personale që unë i konstatoj në disa kolegë që janë më të nxehur me PD-në se sa me deformimin që i bëri demokracisë ky kryeministër.
Shehu theksoi se dosje për krimet zgjedhore po përgatiten në shumë qytete dhe do të dëshmojë shkeljet e bëra jashtë standardeve evropiane dhe deri te keqpërdorimi i institucioneve e administratës dhe pagesave.
Shehu: Institucionet dhe partnerët ndërkombëtarë duhen sqaruar për ato që ndodhën në procesin zgjedhor. Unë jam në Gjirokastër dhe po përgatisin me një dosje me deformimet e këtij procesi për t’ia çuar qendrës. Dosje të tilla po përgatite në shumë qytete dhe do të dëshmojë shkeljet e bëra jashtë standardeve evropiane dhe deri te keqpërdorimi i institucioneve e administratës dhe pagesave. Ka pasur premtime që ua është lejuar kultivimi i drogës që të votojnë mazhorancën.
Shehu shtoi Rama pas zgjedhjeve u paraqit si një lepurush i butë duke pretenduar se nuk shkel ligjet dhe nuk bën krime elektorale.
Shehu: Jam i sigurt që këto denoncime të forta do të kenë reagimin e duhur dhe më pas do të ketë aksione për të mos e lënë të degradojë demokracinë shqiptare. Ne disa dit ëmë parë pamë një Ramë shumë ndryshe që u paraqit si një lepurush i botë, sepse rëndon pesha e deformimit të demokracisë. Mbi të rëndon një krim moral, por edhe penal. Prandaj u paraqit si një lepurush i butë duke pretenduar se nuk shkel ligjet dhe nuk bën krime elektorale.
Shehu përfundoi duke thënë se në qarkun e Gjirokastrës PD-ja kishte një rritje prej 7%, edhe pse ka rënë popullsia për shkak të largimeve masive.
