Policia italiane ka arrestuar një shtetas shqiptar, 23-vjeç, emri i të cilit ende nuk bëhet i ditur, pasi u kap me 1 kg kokainë të pastër në makinë.
23-vjeçari u ndalua nga karabinierët në dalje të autostradës Chiari, në provincën e Brescias.
Në momentin e ndalimit, i riu shqiptar tentoi të fshihte lëndën narkotike në derën e makinës, ndërsa raportohet se kokaina ishte me një pastërti të lartë dhe nëse do të hidhej në treg do të kapte vlerën e 150 mijë eurove.
Pas arrestimit, policia bëri një kontroll në banesën e shqiptarit, ku u sekuestruan doza të tjera kokaine dhe sende për paketim.
Aktualisht i riu shqiptar është në burgun e Brescia-s.
