Është mbyllur në barazim 1-1 supersfida mes Real Madrid dhe Chelsea-t, e vlefshme për gjysmëfinalen e Ligës së Kampioneve.
Një rezultat që i shkon më shumë përshtat “Bluve” të drejtuar nga Thomas Tuchel, kjo për faktin që kanë realizuar gol në fushën kundërshtare duke i dhënë një avantazh për ndeshjen e kthimit.
Të parët në avantazh kaluan pikërisht miqtë me anë të Pulisic në minutën e 14-të. Një asist perfekt i Rudiger i dha mundësi amerikanit që të driblojë portierin e Realit dhe të shënojë me portën e boshatisur më pas.
Kundërpërgjigja e skuadrës së Zidane erdhi shpejt me anë të të zakonshmit Karim Benzema I cili barazoi shifrat në minutën e 29-të. Njeriu lider i Real Madrid në mungesë të Sergio Ramos, i ndodhur brenda zonës, kur krosimi i ardhur dhe devijuar me kokë nga Militao, gjen francezin të pozicionuar aty ku duhet duke shënuar.
Pjesa e dytë nuk do të prodhonte gola me skuadrat që do t zhvendosin betejën e tyre në “Stamford Bridge” më 5 maj, takim që do të përcaktojë edhe skuadrën finaliste.
https://streamable.com/17a7qp
https://streamable.com/tjlzxl
