Teksa Partia Socialiste e drejtuar nga kryeministri Edi Rama po kryeson në këto zgjedhje parlamentare nga votat e numëruara deri më tani, ambasadori i BE-së në vendin tonë Luigi Soreca është shfaqur entuziast.
“Mirëmëngjesi apo Mirdita”, foli me entuziazëm Soreca në nisje të prononcimit për gazetarët këtë të Hënë, lidhur me procesin e zgjedhjeve.
Soreca tha se deri më tani, zgjedhjet kanë treguar se në vend ka një jetë demokratike të mirë.
“Zgjedhësit shqiptar e thanë fjalën e tyre, pavarësisht pandemisë, ka pasur një pjesëmarrje të lartë, kjo është një tregues i mirë i jetës demokratike në Shqipëri”, u shpreh ai.
Sipas përditësimit të mesditës nga KQZ, nga numërimi i 1 992 qendrave votimi nga 5 199 në total, Partia Socialiste ka 279 050 vota, Partia Demokratike 219 897 vota, LSI 40 098, PSD 11 333 vota.
