Komisioni Qendror i Zgjedhjeve ka përditësuar të dhënat lidhur me numërimin e votave. Kështu sipas raportimeve zyrtare, deri në orën 16:00, janë numëruar 2699 kuti nga 5199, ndërsa Partia Socialiste numëron 379862 vota, ose 48.82%.
Në anën tjetër Partia Demokratike numëron 305578 vota ose 39.27 % dhe LSI 54685 vota ose 7.03 %.
Bie në sy fakti se diferenca mes PS dhe PD është ngushtuar krahasuar me orët e paradites kur socialistët ishin në kuotat e 50% të votave me kutitë e numëruara.
Kur kanë mbetur rreth 2500 kuti për tu numëruar, që përkojnë edhe me përfundimin e procesit të numurimit lidhur me votat për subjektet e partive politike, nuk dihet nëse mund të ketë një ndryshim të trendit të votave në favor ose jo të opozitës.
Opozita e Bashkuar aktualisht ka mbi 46 % të votave në nivel kombëtar, rreth 2.8 % më pak se socialistët.
