Ka nisur procesi i numërimit të votave edhe në KZAZ nr 38 në Tiranë që i përket njësisë administrative nr 8 në Tiranë.
Kjo KZAZ ka 50 kuti votimi, ndërsa pjesëmarrja në votime është rreth 53 %.
Procesi i numërimit në këtë KZAZ është monitoruar edhe nga Ambasadorja e SHBA, Yuri Kim, që shoqërohej nga Komisioneri Shtetëror i Zgjedhjeve, Ilirjan Celibashi.
Më herët nga njësia nr 5, diplomatja Kim tha “tani përgjegjësia mbetet tek numëruesit për të bërë punën e tyre me integritet. Gjithashtu mendoj që autoritete të ndjekin të gjithë ankesat që mund të dalin. Në mënyrë që të ketë proces të vazhdueshëm përmirësimi”.
“Për kandidatët dhe partitë është koha që të qetësohen të jenë të duruar dhe të presin rezultatet. Dhe kur të certifikohen t’i pranojnë ato. Të shohim si do të shkojë procesi. SHBA si mik i popullit shqiptarë do të jetë këtu deri në fund.” tha Yuri Kim.
