Një i ri është arrestuar nga policia e kryeqytetit pasi akuzohet se ka qëlluar me armë zjarri drejt një banese në kryeqytet, rreth një muaj më parë.
Burime zyrtare nga policia njoftuan këtë të Premte se nga specialistët për Hetimin e Krimit në Komisariatin e Policisë Nr.6 u bë kapja dhe ndalimi i Ronaldo Gurabardhit, 27 vjeç, i shpallur në kërkim për veprat penale “Vrasje” e mbetur në tentativë, “Armëmbajtja pa leje” dhe “Prishja e qetësisë publike”.
Ai akuzohet se më datë 20 Mars, në rrugën “Shaban Bardhoshi”, në zonën e Kombinatit, ka qëlluar me armë zjarri në drejtim të banesës së Artur Korteshit.
Dyshohet se mes palëve kishte një konflikt më herët, ndërsa më pas 27-vjeçari qëlloi me armë ndaj banesës së Korteshit. Nga të shtënat nuk pati të lënduar.
