Rënia e rilindjes nga qeveria më 25 prill duket e pashmangshme. Nuk janë vetëm sondazhet ato që thonë se humbja e rilindasve është e pashmangshme, por edhe sjellja dhe retorika e Baton Haxhiut në emisionin e fundit në ‘Zonë e Lirë’.
Mjafton të krahasosh Batonin e para pak javëve me atë të sotmin, për të kuptuar se edhe vetë Rilindja e ka pranuar humbjen dhe po përpiqet me anë të lutjeve që të zgjasë sado pak ‘jetën’ e saj në pushtet.
Vetëm pak javë më parë Baton Haxhiu betohej e stërbetohej në studiot televizive se Edi Rama është kryeminsiti i duhur për shqiptarët dhe se ai do të rizgjidhet sërish, madje për këtë ai bëri dhe një sondazh ku PS-në e nxirrte me një përqindje të madhe si fitusen kryesore të zgjedhjeve.
Por dëshira dhe bindja e Batonit për fitoren e rilindjes shkoi deri aty sa ai arriti të vinte baste në çdo studio (Bastet janë të ndaluara me ligj në Shqipëri), e deklaronte se nëse PS nuk fiton ai nuk do të shfaqej më në asnjë studio apo emision televiziv.
Ndërkohë ajo që pamë mbrëmjen e sotme në “Zonë e Lirë’ ishte një dorëzim pakushte i vetë Batonit, por edhe i Ramës dhe rilindjes, të cilët nëpërmjet analistit të tyre artikuluan edhe njëherë thirrjen, ose më mirë le të themi lutjen për koalicion dhe bashkëpunim në emër të të gjithë shqiptarëve.
Përgjigje të cilën Basha ua përsëriti sërish prerë dhe qartë madje dhe me argumentat më shterues politikë: Çfarë mund të bëjë ndryshe dikush që në 8 vite pati më shumë pushtet nga të gjithë pas Enver Hoxhës?
Mbrëmjen e sotme ndryshe nga çdo herë tjetër Batoni u shpreh se ishte i zhgënjyer nga politika 30-vjeçare shqiptare. Madje Batoni u shpreh se e kishte humbur totalisht besimin se politikanët shqiptarë se mund të silleshin ndryshe me shqiptarët jashtë trojeve tona.
Ndërsa nuk munguan as elozhet apo dhe kërkesat e Batonit në drejtim të kandidatit për kryeministër Lulzim Bashës, se nëse vinte në pushtet të sillej siç ka bërë gjatë muajit të fushatës.
Duket se ndryshimi po vjen, aq i madh është sa po ndryshon edhe Batonin e Ramës, ai po e pranon që sot humbjen. /Taulant Halili/ Boldnews.al
