Presidenti Ilir Meta denoncoi këtë të Enjte se tre banda kriminale po veprojnë në Durrës duke blertë vota për llogari për Parti Socialiste.
Meta tha se në Durrës po veprojnë banda e Vangjush Dakos Dakos, e Ardi Çelës së OSHEE-së dhe ajo e Lefter Kokës. Presidenti deklaroi se djali i Lefter Kokës, bashkë me persona me rekorde kriminale dhe me bekimin e policisë, del me pistoletë pa leje duke blerë vota e terrorizuar qytetarë.
Meta akuzoi Lefter Kokën e Alqi Ballakon, të dy kandidatë të PS për zgjedhjet e 25 Prillit për “aferën e inceneratorëve”. Meta u shpreh se pavarësisht provave për paligjshmëri, SPAK nuk vepron me urdhër të pushtetit. Ai tha se paratë e përfituara nga kjo aferë korruptive, po përdoren për të blerë vota.
“Në Durrës janë tre banda që bëjnë presion mbi qytetarët e Durrësit për ti dhunuar. Dy banda të njohura – Vangjush Dako i bandës së Shijakut dhe Durrësit që ble vota, vazhdon dhe sot e kësaj dite me ndihmën e policisë. Ard Çela i OSHEE-së që ble vota, e dinë të gjithë në Durrës. Që e ka vendin dhe ai në burg bashkë me atë të parin dhe i treti që duhet të kishte qenë në burg, po SPAK-u s’ka pasur kohë për tu marrë me këtë çështje dhe pse i ka pasur të gjitha paditë është Lefter Koka. Me djalin e tij dhe me bandën e tij që terrorizojnë vajzat, gratë dhe gjithë njerëzit e ndershëm të Durrësit që të mos votojnë për LSI-në që e bëri ministër atë, edhe që këta ndenjën 8 vjet pa punë kur ishte ai ministër, edhe mbajtën mbi supe gjithë baltën e korrupsionit të Lefter Kokës dhe të rrugaçërive të djalit të tij. Që del me pistoletë pa leje edhe vete shtëpi më shtëpi, bashkë me policë e bashkë me persona në kërkim, e bashkë me të tjerë që janë liruar nga burgu, për të blerë vota me porosi të Edi Ramës”, u shpreh Meta.
Meta publikoi dhe një video nga qyteti i Shkodrës për të cilën tha se tregon se si blihen votat.
