Ish-modelja e famshme Loni Willison është fotografuar me dhëmbë të shkulura teksa merrte ushqim nga një i panjohur në rrugët e Los Angeles. 37-vjeçarja tronditi opinionin publik vitin e kaluar kur u zbulua se kishte nisur të kërkonte ushqim nëpër kazanët e mbeturinave, duke jetuar si një e pastrehë, raporton “The Sun”.
Loni u pa duke tërhequr një karrocë të mbushur me gjëra të ndryshme, e më pas duke pushuar në një trotuar ku ishte ulur përtokë. Gjatë kohës që pushonte, një i huaj i afrohet dhe i dhuron ushqim e në këtë moment, ajo buzëqesh duke zbuluar edhe dhëmbët e shkulur.
“Unë nuk mund të jetoj në një ndërtesë, nuk mund të jetoj në një shtëpi, mund të jetoj kudo, sepse më duhet të lëviz vazhdimisht. Unë thjesht do të pres dhe të shoh se çfarë do të ndodhë me kalimin e kohës”,- është shprehur ajo gjatë një interviste.
Kujtojmë se Loni u martua në vitin 2012 me aktorin Jeremy Jackson, por u ndanë në vitin 2014 pas një sërë debatesh. Çdo gjë mori fund kur ish-partneri i saj e sulmoi duke i shkaktuar thyerjen e dy brinjëve, dëmtime në qafë dhe gërvishtje në fytyrë.
Në 2016-ën, Loni humbi punën, banesën, makinën e saj dhe u detyrua të jetonte në rrugë. Ajo nisi të konsumonte drogë dhe që nga ajo periudhë ka probleme të shëndetit mendor.
