Luljeta është një nga konkurrentet që tërhoqi vëmendjen që në momentin e parë të prezantimit në “Për’puthen +40”.
E ftuar në “Shqipëria live”, Luljeta tregon një rast të pakëndshëm që i ndodhi në një udhëtim.
“Po shkoja në një eskursion në Shkodër. Në autobus ishim 17 gra, vetëm gra. U zhvesha pa ndonjë gjë. Kur po ndërrohesha gjatë rrugës, dikush më kishte bërë video. Kam bërë shumë eskursione dhe kjo gjë nuk më kishte ndodhur”,- thotë Luljeta.
Ajo tregon se pasi videoja u publikua në rrjete sociale, të afërmit e saj u ndjenë keq.
“Njerëzve të mi nuk u vjen mirë, ndërsa unë nuk e çaj kokën, se unë kjo jam. Nuk e di kush ma bëri këtë gjë”.
Sipas Luljetës, gratë paragjykojnë më shumë dhe kjo i duket e çuditshme. Megjithatë, Luljeta shton se komente të tilla nuk do ta pengojnë të ketë stilin e saj.
“Jam paragjykuar gjithmonë, por gratë komentojnë më shumë. Nëse femrat shajnë femrat, ç’të presim ne nga meshkujt?! Unë e kam bërë jetën si kam dashur. Ndaj nuk jam martuar, se nuk do isha veshur dot me ‘mini’ dhe të shkurtra”,- shprehet ajo.
