Kreu i PD, Lulzim Basha i ftuar në ‘Open’ u shpreh i bindur se në 25 prill pjesmarrja në votime do të jetë e madhe.
Ai theksoi se në këto zgjedhje do të vendoset nëse Shqipërisë do ti hapet rruga drejt anëtarësimit në Bashkimin Europian apo do vazhdojë të ngelet në vendnumëro duke hapur çdo 6 muaj shampanjën dhe ndërkohë duke hapur, duke qarë zemrat e nënave me 500 mijë të rinj që kanë emigruar për 8 vite.
Pjesë nga biseda:
Lulzim Basha: Dhe unë kam shumë besim që ditën e diel ne do të kemi pjesëmarrjen më masive popullore në kutitë e votimit, sepse këto janë zgjedhjet më të rëndësishme për Shqipërinë. Në këto zgjedhje do të vendoset nëse do të vazhdohet edhe 4 vite të tjera si këto 8 që lamë pas apo nëse Shqipëria do të ndryshojë?! Në këto zgjedhje do të vendoset nëse Shqipërisë do ti hapet rruga drejt anëtarësimit në Bashkimin Europian apo do vazhdojë të ngelet në vendnumëro duke hapur çdo 6 muaj shampanjën dhe ndërkohë duke hapur, duke qarë zemrat e nënave me 500 mijë të rinj që kanë emigruar për 8 vite.
Gazetarja: Si do ta mbroni këtë?
Lulzim Basha: Këto zgjedhje nuk janë as për Partinë Demokratike as për Partinë Socialiste. Këto zgjedhje janë për shqiptarët dhe Partia Demokratike me programin e vet, me ekipin e vet dhe me të gjithë organizimin e vet është në funksion të zgjidhjeve për shqiptarët.
