Tirana po tenton dy futbollistë të mësuar me sportin në vendin tonë. Bardheblutë kanë piketuar kapitenin e Laçit, Aleksadar Ignatovic dhe sulmuesin e Korabit, Skuka.
Serbi i kurbinasve mban shiritin e kapitenit te Laçi, teksa prej vitesh ka treguar stabilitet në qendër të mbrojtjes.
Një emër tjetër I lakuar nga shtypi I shkruar është ai i Xhuljano Skukës. 22 vjeçari i Korabit ka shënuar 10 gola këtë sezon mes Kategorisë së Parë dhe Kupës, teksa për të disatin vit spikat me paraqitjet në fushë.
Mbetet të shihet nëse palët do gjejnë dakordësinë, me Skukën që shihet si e ardhmja e sulmit në Shqipëri.
