Pas barazimit ndaj Napolit, Interi sërish nuk arrin të kthehet te fitorja dhe Spezia e ndal në rezultatin 1-1 të fiksuar që në pjesën e parë.
Një gafë e Handanovic (nuk arriti të priste një top në trajektore) dhe rrjeta e Perisic nuk ndryshojnë fatin e ndeshjes.
Edhe pse duhet thënë që Interi ishte i pafat me dy shtylla dhe dy gola të anuluar për shumë pak centimetra. Skuadra e Contes megjithatë mban 10 pikë diferencë nga vendi i dytë kur duhen edhe 6 javë deri në fund të kampionatit.
Juventusi fiton dhe përfiton nga hapi fals i Milanit (u mund nga Sassuolo 1-2 në “San Siro”) duke iu afruar kuqezinjve tani vetëm 1 pikë larg. Munguan golat e Ronaldos, por jo ato të mbrojtjes, që vendosi sfidën. Në fakt, pas rrjetës spektakolare të Brugman në goditje dënimi, Alex Sandro barazoi në fund të pjesës së parë.
Pjesa e dytë nisi me gol sërish nga braziliani dhe u luajt në një portë, teksa De Ligt shënoi edhe golin e tretë duke fiksuar shifrat në 3-1.
DENONCO