Zëdhënësi i Presidentit të Republikës, Tedi Blushi i është përgjigjur akuzave të kryeministrit Edi Rama se Ilir Meta është takuar fshehurazi me persona që janë subjekte të OFL-së.
Sipas zëdhënësit të Presidentit, Tedi Blushi, lokali ku është bërë edhe videoja, është në pronësi të kryetarit të PS në Gjirin e Lalzit.
Reagimi:
Lokali në fshatin Shën Pjetër, ku Presidenti Meta shfaqet në këtë video me kapuç, është pronë e një kryetari socialist në Gjirin e Lalëzit, i cili e ka takuar Presidentin Meta në shenjë respekti meqënëse kishte ndaluar në lokalin e tij bashkë me z.Ramazan Topuzi, i cili e shoqëronte Kreun e Shtetit gjatë ecjes buzë detit.
Zëdhënësi i Mjerë i Bashkisë së Këlcyrës, qëllimisht jep një moment të prerë nga video, sepse po ta transmetonte të plotë, nuk do linte më mundësi për hamendësime.
Ndoshta Zëdhënësi i Mjerë i Bashkisë Këlcyrë e ka prerë videon si shenjë refleksi për të krasitur pamjet nga kamerat e sigurisë në hotelet e Këlcyrës dhe Përmetit, ku ai ka fjetur me Kryerilindasin, përfshirë dhe drekat me qershi në Peshtan.
Turp si përfundove kështu se ke patur goxha talent!
Mjerë Bashkia e Këlcyrës për Zëdhënësin e saj.
Për t’u qetësuar çoja SPAK-ut urgjent!
Bashkëlidhur dhe video, që ka publikuar sot Gazeta e Bashkisë Këlcyrë!
