Tirana është larg pritshmërive këtë sezon. Bardheblutë, tetë javë nga fundi i kampionatit ndodhen në vendin e pestë në Superligë, nëntë pikë pas kryesuesve të Teutës. Edhe pse matematika e lejon, duket se lufta për në Europë është e vështirë me ngjeshjen e renditjes.
Drejtuesit bardheblu do të freskojnë skuadrën në verë, teksa pritet largimi i disa lojtarëve që nuk kanë dhënë atë çka pritej, paçka minutave në fushë. Tre afrikanët e afruar në verë mund të largohen, ndërsa vetëm Gyamfi mund të qëndrojë sërish në ekip.
Richard Danso ka thyer Disiplinën dhe është degdisur në ekipin U-21, ndërsa Sasraku e Sulley nuk janë ambientuar me ekipin. Sasraku prej kohësh është larg ekipit, me të ardhmen që është e destinuar larg bardhebluve.
