Tre të rinj kanë rënë në prangat e policisë së Korçës për shitje të lëndëve narkotike. Operacioni policor i koduar “Porositësi” çoi në sekuestrimin e 12 gram kokainë dhe 38 gram lëndë e dyshuar narkotike heroinë.
Policia ka arrestuar shtetasit Fatjon dhe Martin Kosturin 18 dhe 20 vjeç si dhe Olivert Vreshtullën 38 vjeç, dy prej të cilëve posedues të sasisë dhe tjetri porositësi i saj.
“Në bazë të informacioneve të siguruara në rrugë policore, se shtetasit e mësipërm ushtronin aktivitetin kriminal të shpërndarjes së drogave të forta, shërbimet e policisë organizuan veprimet dhe bënë të mundur lokalizimin e tyre në lagjen nr. 10, Korçë. Gjatë kontrollit fizik të ushtruar, konkretisht shtetasit F. K., iu gjet një sasi prej 12 gram lëndë e dyshuar narkotike kokainë dhe 38 gram lëndë e dyshuar narkotike heroinë, të cilat iu sekuestruan në cilësinë e provës materiale.Nga veprimet e mëtejshme hetimore, rezultoi se posedues të lëndës narkotike ishin shtetasit F. K. dhe M. K., ndërsa porositësi i saj ishte shtetasi O. V”, njoftoi policia.
Materialet i kaluan Prokurorisë pranë Gjykatës së Shkallës së Parë Korçë, për veprën penale “Prodhimi dhe shitja e narkotikëve”, kryer në bashkëpunim – shtun të njëjtat burime.
DENONCO