Dëbohet nga sistemi Kolë Hysenaj pasuria dhe figura, shporrin nga sistemi prokurorin e Tiranës

Shkarkohet nga vetingu zv/drejtuesi i prokurorisë së Tiranës, Kolë Hysenaj. Vendimi u njoftua këtë të Hënë nga trupa gjykuese e përbërë nga Pamela Qirko – kryesuese, me anëtar Olsi Komicin dhe relatore Firdes Shuli.

Gjatë dy seancave dëgjimore zhvilluar më herët, KPK konstatoi një sërë problematikash me pasurinë dhe figurën e Kolë Hysenajt.

Fillimisht, Kolë Hysenaj u përball me vetingun në Shtator, kur KPK i kaloi barrën e provës prokurorit të Tiranës për një sërë problemesh në deklarimin e pasurive – përfshirë mosdeklarimin të kursimeve, të gjendjes ‘cash’ dhe bilance negative në vite që shkonin deri në 26 milion lekë, një raport negativ nga DSIK dhe sqarime për tre denoncime. Hysenaj mohoi problemet dhe kërkoi të konfirmohej në detyrë.

LEXO EDHE  U dorëhoq si kryetar, aleati i Bashës shpërthen në akuza: PD përdori taktika primitive

Në seancën e dytë dëgjimore, javën e kaluar, Komisioni i Pavarur i Kualifikimit konstaton se nga riçelja e hetimit për prokurorin e Tiranës, Kol Hysenaj, janë konstatuar sërish probleme për kriterin e pasurisë, ndërkohë që ndaj tij janë depozituar edhe 5 denoncime të reja nga publiku.

Hysenaj me rekorde të zeza njihej si shërbëtor i “Rilindjes”, një prokuror i zellshëm i pushtetit.

Kolë Hysenaj e ka filluar karrierën në sistemin e drejtësisë në vitin 1997 dhe ka punuar për më shumë se dy dekada si prokuror në Prokuroritë e Lushnjes, Kavajës dhe Tiranës.