Presidenti Ilir Meta kërkoi nga prokuroria të nisë menjëherë hetimet ndaj Ramës për vjedhjen e të dhënave personale të qyterëve shqiptarë.
Meta u shpreh në një konferencë për mediat se spiunët janë futur edhe në jetën intime të qytetarëve dhe për këtë tha se do të publikojë prova.
“I ke caktuar shqiptarëve nga një spiun që t’u zbulojë atyre deri te jeta intime. Që ta dini mirë, do të ketë edhe prova në ditët e ardhshme. I kanë diskriminuar nga raca, gjinia apo bindjet fetare. Janë vendosur lloj-lloj epitetesh. Kush do të mbajë përgjegjësi nëse të dhënat do të përdoren nga mafia kombëtare e ndërkombëtare. I ke hapur dyert krimit kibernetik dhe vjedhjes së identiteteve. Prokuroria të nisë hetimet ndaj Ramës. Iu drejtohem prokurorëve, të merrni në pyetjeve të gjithë patronazhistët tuaj që ju survejojnë”, tha Meta.
Kreu i shtetit ka drejtuar disa pyetje që, sipas tij, duhet të marrin sa më shpejt përgjigje dhe ftoi SPAK të reagojë sa më shpejt.
“Unë kam disa pyetje si president i Republikës. Do të jem në lartësinë e detyrës dhe çdo shqiptar do të jetë në krye të detyrë dhe çdo detyrë që do kërkojë mbrojtja e votës. Mbrojtja e votës është mbrojtja e atdheut. SPAK-u është i zënë se po heton disa afera. Kur u krijuar kjo bazë të dhënash dhe ku ruhet? A janë këto të dhëna me ato që ia kanë besuar e-Albania? A kemi harxhuar miliona euro për ruajtjen e të dhënave në mënyrë të pacenuara? Të më dëgjojnë të gjithë sipërmarrësit. Cilat janë tashmë garancitë që iu ofrohen qytetarëve në kushtet e rrjedhjes së të dhënave? Unë personalisht Ilir Meta, president i Republikës nuk kam deklaruar asnjëherë për administrimin e të dhënave të mija. Pyes Ramën si kryeministër me ç’të drejtë i ke marrë të drejtat e shtetasve shqiptarë”, u shpreh Meta.
Opozita ka mbi 90 mandate, theksoi ai, ndërsa shtoi se të gjitha sondazhet që transmetohen janë të blera nga Rama.
DENONCO