Një i moshuar mbeti i plagosur në një aksident rrugor në Vlorë. Ngjarja ka ndodhur rreth ores 10:46, në aksin rrugor Peshkëpi-Vlorë.
Në afërsi të rrethrrotullimit në fshatin Peshkëpi, një mjet tip “Volkswagen” me targa AA 879YO me drejtues shtetasin F. G, është përplasur me një tjetër mjet tip “Benz” me targa AA557YC me drejtues shtetasin A. H.
Siç duket nga pamjet, automjetet kanë përfunduar në anën e rrugës, pranë një kanali.
Si pasojë e aksidentit, është dëmtuar një nga pasagjerët e mjetit “Benz”, shtetasi Sh. A., rreth 70 vjeç, i cili po transportohet në spitalin e Vlorës për ndihmë mjekësore.
Raportohet se i plagosuri është në gjendje të rëndë për jetën.
Një tjetër person është lënduar lehtë.
Dy drejtuesit e mjeteve janë shoqëruar nga policia për verifikime të mëtejshme.
Grupi hetimor ka nisur hetimin për sqarimin e rrethanave të aksidentit.
