Kryeministri Edi Rama ka vijuar fushatën elektorale me të rinjtë në Durrës, nga ku ka falenderuar patrozhanistët. Rama u shprehu mirënjohjen patrozhanistëve, të cilët prej ditësh janë në qendër të vëmendjes për shkak të përdorimit të të dhënave personale të qytetarëve.
Duke iu drejtuar të pranishmëve, Rama u tha që të angazhohen, të mos lenë derë pa trokitur dhe qytetar pa takuar, pavarësisht se mund të jenë të zhgënjyer dhe të mërzitur.
“Do të fitojmë 74-78 mandate më 25 prill, por ju mos lini askënd pa takuar dhe pa i sqaruar. Edhe kur janë të mërzitur dhe të zhgënjyer takojini, mbajini aty dhe sqarojini, ashtu me fjalët tuaja”, tha Rama.
