Lewis Hamilton me Mercedes ka siguruar sot “pole position” në pistën italiane të Imola, “pole” nr.99 në karrierë për pilotin britanik. Ai dha kohën 1’14”411”, duke lënë pas dy makinat Red Bull të Sergio Perez e Max Verstappen.
Një paraqitje spektakolare e Hamilton, që këtë sezon ndoshta nuk ka makinën më të shpejtë në dispozicion. Në këtë pistë diferencat me Red Bull ishin të ngushta teksa Verstappen gaboi në sektorin e parë të xhiros së shpejtë duke humbur mundësinë për të mposhtur rivalin e tij.
Nuk dha atë që pritej Valtteri Bottas me makinën tjetër Mercedes, duke u kualifikuar i teti. Mirë u paraqit edhe Ferrari i Charles Leclerc, që u klasifikua në vendin e katërt, ndërsa makina tjetër Ferrari, ajo e Carlos Sainz, do ta nisë garën nga vendi i 11-të.
