Kryeministri Edi Rama ka vijuar turet e tij elektroale në qarkun e Beratit sot ku është ndalur jo shkurt në Skrapar, vendlindjen e Ilir Metës me të cilin mbajti pothuajse të gjithë ligjëratën e tij.
Por në përpjekje për të sulmuar LSI-në në bastionin e saj, Rama u shpreh se PD ka një rritje krahasuar me 2017.
“E dëgjuat Monikën që tha do marrim 40 mandate? Për atë do merrte 60, por duhet ti lërë dhe Lulit ca. Ishte LSI molla që kalbi gjitha arkën dhe sot Partia Demokratike krahasuar me 2017-n është rritur dhe sepse shumë nga demokratët që vajtën pas peshkut pilot(peshk që ngjitet pas anijeve të mëdha për të shkuar larg) u kthyen. Po Partia Socialiste do të fitojë zgjedhjet me shumicë absolute, kjo as nuk diskutohet. Por kjo sëmundja e madhe që futi LSI është prezente dhe tek Partia Socialiste..”, tha Rama.
