Sekretari i Përgjithshëm i LSI, Endrit Braimllari ka kallëzuar penalisht Niko Peleshin, ministër i mbrojtjes dhe drejtues politik i PS në qarkun Korçë.
Bashkë me zyrtarin e lartë të PS, Braimllari ka kallëzuar penalisht edhe Petrika Tollkuçin, drejtroti i FSDKSH Korçë, Ilir Bajlozi, drejtor i Drejtorisë Rajonale të Sigurimeve Shoqërore Korçë dhe Artur Qeramixhi, drejtor i OSHEE Korçë.
Sipas kallëzimit penal, “të gjithë këta shtetas të cilët kemi kallëzuar ushtrojnë funksione publike prej kohësh, ata e kanë lënë postin dhe kanë filluar të bëjnë fushatë ku të munden dhe si të munden duke filluar që nga zyra e tyre ku ushtrojnë detyrën publike, ashtu edhe të punonjësve në varësi të tyre duke i ngarkuar me detyra politike edhe pse ato ushtrojnë një detyrë publike jopolitike”.
DENONCO