Menaxheri i Liverpool, Jurgen Klopp foli në fund të ndeshjes kundër Real Madrid.
Skuadra e tij u eliminua dhe gjermani e shpjegoi për UEFA: “Ne bëmë një paraqitje pozitive në krahasim me ndeshjen e parë, por humbëm kualifikimin në Madrid.
Sigurisht që e vumë Realin në vështirësi, ishim agresivë dhe patëm mundësi të mëdha, u desh shumë pak të shënonim.
Donim ta përfundonim pjesën e parë në avantazh, do të kishte qenë ndryshe. Në fund nuk shënuam, me përvojën e tyre ata arritën të ulnin ritmin dhe të menaxhonin lojën”.
