Denoncimi/ Jo vetëm zarfe me para, por edhe ushqime në shkëmbim të votave

Gjatë ditëve të fundit janë denoncuar me dhjetra raste kur në shkëmbim të votave po shpërndahen para dhe pako me ushqime.

Nga Gjirokatra në Kukës, strukturat e opozitës kanë denoncuar rastet se si zyrtarë të policisë, elementë kriminalë, kandidatë të Rilindjes dhe zyrtarë të PS po ushtrojnë presione për tjetërsimin e votave.

Përveç akuzave për zarfe me para, punësime në administratë apo edhe kërcënime me humbje të vendit të punës, një mënyrë tjetër që po përdoret është edhe ajo e ndarjes së ushqimeve për njerëzit në nevojë.

LEXO EDHE  Bashkëqeverisja Rama-Basha, cilët janë interlokutorët amerikanë. Çfarë pritet në fillim të gushtit dhe ftesa nga Berlini

Rastin më të fundit e denoncon ish kryeministri Sali Berisha, i cili akuzon kryebashkiakun e Gramshit Klodian Taçe se ndan ushqime për vota.

“Narkokryetari i Bashkisë së Gramshit ndan ushqime per vota”, shkruan ish kryeministri Sali Berisha në denoncimin e tij.