Yuri Kim: SPAK ka emrat e personave që u ndalohet hyrja në Amerikë, mes tyre 3 zyrtarë të lartë

Ambasadorja amerikane në Tiranë, Yuri Kim në një intervistë të dhënë për emisionin ‘Përballë’, foli mbi listën e zezë të ShBA-ve, e cila tashmë ndodhet në zyrën e SPAK. Kim theksoi se në këtë listë të personave që u ndalohet hyrja në ShBA, përfshiehen edhe tre zyrtarë të lartë shtetëror por pa dhënë emra konkret.

“Ajo që mungon është, të jem e ndershme, ajo që mungon është kurajo. Dhe mendoj se kemi pasur raste kur është treguar kurajo. Mendoj se duhet të shohim më shumë. Kam besim që investimi i Amerikës tek reforma në drejtësi, tek SPAK, do t’ia vlejë por ky është një moment i vështirë. Siç e them shpesh, reforma në drejtësi nuk është e shpejtë, e lehtë, apo e përsosur por po fillojmë të shohim rezultate. SPAK ka nxjerrë raportin e parë vjetor dhe deri tani kanë raportuar se kanë bërë 588 ndjekje penale, kanë konfiskuar pasuri me vlerë 70 milionë euro. Kanë hetuar 746 individë. Kanë dërguar shumë prej tyre në gjykatë dhe 114 janë dënuar deri më sot”, tha ambasadorja Kim.

LEXO EDHE  150 mbeten të bllokuar nga zjarret, çfarë po ndodh...