(Video) Grupi i grabitësve në Tiranë u arrestuar pas vjedhjes së vilës pranë TEG-ut/ Detaje

Detaje të reja bëhen me dije nga aksioni policor i zhvilluar një ditë më parë në kryeqytet, që çoi në goditjen e një grupi që merrej me grabitje.

Pesë personat e arrestuar si pjesë e grupit dyshohet të ketë kryer veprimtari kriminale edhe në disa vende të BE-së.

Gjatë aksionit janë sekuestruar armë zjarri, vlera monetare, bizhuteri, radio marrëse-dhënëse si ato të Policisë, telefona celular dhe prova të tjera materiale.

Të arrestuarit

Në pranga janë vënë:

  • Dorjan Lamani (Qirjazi), 38 vjeç, banues në Sarandë, i dënuar më parë për “Kultivim të bimëve narkotike”;
  • Klodian Çypi, 34 vjeç, banues në Derven, Fushë Krujë, i dënuar më parë për “Kultivim të bimëve narkotike”;
  • Halil Topalli, 29 vjeç, banues në Tapizë, Fushë Krujë, i dënuar më parë për “Kanosja” dhe “Kundërshtimi i punonjësve të Policisë”;
  • Redian Begaj, 32 vjeç, banues në Vlorë, i dënuar me parë për “Heqja e paligjshme e lirisë” dhe “Moskallëzim krimi”;
  • Dajvid Dosti, 21 vjeç, banues në Poliçan, Skrapar.

Ndaj të arrestuarve rëndojnë akuzat për veprat penale “Vjedhje me pasoja të rënda” e kryer në bashkëpunim “Sigurimi i mjeteve për vjedhje”, “Mbajtja pa leje e armëve, armëve shpërthyese dhe e municionit” dhe “Grupi i strukturuar kriminal”.

Aksioni

Burime zyrtare njoftuan se personat e arrestuar, në bashkëpunim me njëri-tjetrin, të Hënën, janë kapur në flagrancë menjëherë pas kryerjes së vjedhjes së banesës së shtetases B.S., të kompleksi i vilave pas qendrës tregtare “TEG”, ku kanë marrë një shumë të konsiderueshme në euro, bizhuteri dhe sende të tjera me vlerë.

Nga grupi hetimor janë sekuestruar:

  • armë zjarri automatik, me dy krehër dhe 123 fishekë;
  • 150 euro, 2 radio marrëse-dhënëse si ato që përdor Policia e Shtetit,
  • Bizhuteri të ndryshme floriri, si unaza, vathë, ora dore, varëse, medialionë etj,
  • palë çelësa automjetesh, njëri prej të cilit dyshohet të jetë vjedhur në banesën e shtetasit A. N., ngjarje e ndodhur në datën 14.12.2020,
  • 1 automjet tip “Ford”, si dhe pajisje të tjera që shërbejnë për hapjen e bravave dhe dyerve të blinduara.
LEXO EDHE  Parashikimi/ Ja si do të jetë moti ditën e mërkurë

Hetimet

Policia njoftoi se aksioni që çoi në arrestimin e tyre, i koduar “Start & Stop”, u zhvillua nga efektivë të policisë së Tiranës dhe Drejtorisë së Policisë së Shtetit. Hetimet që kanë nisur prej disa muajsh janë zhvilluar në drejtimin e Prokurorisë së Tiranës.

Sipas hetimeve, deri tani rezulton se këta shtetas, në bashkëpunim edhe me shtetas të tjerë, janë autor të dyshuar dhe të vjedhjes së banesës së shtetasit A. N., në rrugën ‘Xhanfize Keko”, ngjarje e ndodhur në datën 14.12.2020, ku janë vjedhur 40.000 lekë dhe automjeti i tij.

Gjithashtu rezulton se këta persona, pasi siguronin informacione dhe piketonin banesa ku kishte shuma parash dhe bizhuteri, organizonin dhe kryenin vjedhjen e tyre.

“Nën drejtimin e Prokurorisë vijon puna për dokumentimin dhe zbardhjen e ngjarjeve të tjera në të cilat mund të jenë të përfshirë këta shtetas.  Nëpërmjet Interpol Tiranës po bashkëpunohet edhe me disa vende të BE-së, për të dokumentuar aktivitetin kriminal të këtyre personave në Greqi dhe vende të tjera të BE-së”, njoftoi policia.

vide ne perditesim…