Kandidati i pavarur në Qarkun Dibër për zgjedhjet e 25 Prillit, Elton Debreshi ka dorëzuar në Gjykatën Kushtetuese kërkesë për rrëzimin e pragut kombëtar 1% të sistemit zgjedhor proporcional rajonal.
Lajmin e konfirmoi vetë Debreshi.
“Ky prag diskriminon kandidatët e pavarur, të cilëve u kërkohen më shumë vota se partive për t’u zgjedhur deputet në një qark. Për nga detyrimi për të fituar së paku 1% të votave kombëtare, kandidatët e pavarur trajtohen si të ishin parti politike. Po për nga të drejtat ata kanë shumë më pak të drejta se partitë duke u votuar vetëm brenda një qarku”, shkruan ai në një reagim në rrjetet sociale.
“Kjo kërkese nuk bëhet për Elton Debreshin, as për zgjedhjet e kësaj radhe, por për të mbrojtur në të ardhmen demokracinë shqiptare nga monopoli antikushtetues i tre partive të mëdha”, shton.
