“Kam lidhje me pushtetin”/ Plagosja e policëve në Mamurras, si ndodhi ngjarja (Detaje)

Tre persona, mes tyre dy efektivë policie janë plagosur me armë zjarri këtë të Martë, në Mamurras.

Burime policore bëjnë me dije se efektivët janë qëlluar në këmbë dhe ndodhen jashtë rrezikut për jetën. Dy policët e plagosur janë Flamur Lleja dhe Ilir Zeka, efektivë të policisë në Kurbin.

Personi i tretë i plagosur është Nikoll Vorfi.

Ngjarja

Burime nga policia lokalë bëjnë me dije se efektivët e plagosur të cilët ishin në detyrë kanë ndaluar një automjet për kontroll, ku ndodheshin disa persona. Personat në makinë, ku ndodhej dhe Nikoll Vorfi, kanë kundërshtuar efektivët. Një prej tyre raportohet se u ka thënë efektivëve se ka lidhje me pushtetin.

LEXO EDHE  Rama, njeriu i Amerikanëve në Tiranë? Ja momentet kyçe kur u mbështet nga Kim dhe Palmer

Mes palëve ka lindur një konflikt që ka degjeneruar në përdorimin e armëve të zjarrit.

Efektivët e lënduar janë transportuar për në spitalin rajonal për të marrë ndihmë mjekësore e më pas drejt Tiranës.

Forca speciale policore të FNSH-së janë nisur drejt Mamurrasit, ndërsa janë ngritur postblloqe nga ana e policisë për të kapur autorët e ngjarjes.