Ngjarja e rëndë e ndodhur në fshatin Manskuri të Kavajës ditën e shtunë, ku bashkëshorti dogji gruan në makinë dhe më pasi vari veten, vazhdon të trondisë opinionin publik me detajet që zbulohen.
Vëllai i autorit të ngjarjes, ka hedhur poshtë shkakun e xhelozisë si motiv për vrasjen.
‘Na ka rënë si rrufe në qiell. Më shpejt e morën vesh njerëzit e tjerë se sa ne. Ka pasur konflikte me gruan, por jo në këtë shkallë. Bashkëshortja ishte te babai i vet, ai te ne.
Ishte i qetë dhe pa probleme. Të hënën kishin pas një seancë pajtimi, e të gjithë ishim dakord që të pajtoheshin. Nuk kanë pas probleme nderi dhe ekonomie. Kanë pas një mosmarrëveshje, më 27 janar, nuk kanë pas asnjë problem.
Familja e saj e mirë dhe në punë të vet. Sherri i tyre është për një sallatë, nuk e ka bërë. Fëllënxa i ka thënë ngrihu bëje vetë’, tha Hasani.
Sipas tij, nuk është e vërtetë se ka pasur punë xhelozie.
‘Ai ka dashur që të bashkohej. E merrte dhe e çonte në shtëpi. Ajo nuk ka qenë femër e hedhur, nuk mund të themi ashtu. Ajo nuk ka bërë denoncim, asnjë gjë’, shtoi vëllai i viktimës.
I pyetur nëse takoheshin ata të dy, Hasani tha:
‘Janë takuar te universiteti i Durrësit, e ka dërguar njëherë me makinë te shtëpia e prindërve, ku ajo jetonte. Ndërsa ditën e ngjarjes nuk e di ku e ka takuar, ai ka dalë herët në mëngjes nga shtëpia.
Nuk ka dalë asnjëherë në atë orar. Kur unë isha në shtëpi, më merr djali e më pyet ku është Bilbili e më tha për makinën. Shkova atje, por nuk më la policia. U bë kjo hata, kanë lënë dy fëmijë. Bilbili ka qenë si gjithë njerëzit e tjerë. Nuk janë varrosur, pasi do vinte vajza ditën e mortit. Ajo ka qenë me Covid me burrin’.
