Revista zviceriane “Areaonline” shkruan për kandidimin për deputetet të minatorit Elton Debreshit

Revista zviceriane “Areaonline” shkruan për kandidimiin për deputetet të minatorit Elton Debreshit.

Në artikullin e autorit Osman Osmanit shkruhet:

“Parë nga aspekti ekonomik kromi është metali më i rëndësishëm në Shqipëri. Aktualisht në qytetin e Bulqizës të Qarkut të Dibrës ekzistojnë 110 ndërmarrje, të cilat janë të lejuara të nxjerrin krom. Nga eksporti i kromit arrihen rreth 100 milionë euro të hyra në vit. Në dhjetë vitet e fundit në të gjithë vendin shkaku i aksidenteve në miniera kanë humbur jetën rreth 300 minatorë. Edhe përkundër numrit tragjik të viktimave asnjë nga drejtuesit e ndërmarrjeve në vitet e fundit nuk është marrë në përgjegjësi.

Sindikatat tradicionale në Shqipëri, ashtu sikur edhe në ish vendet e ashtuquajtura socialiste, nuk janë reformuar fare dhe nuk iu janë përshtatur kushteve të veprimit në sistemin neoliberal, por vazhdojnë të komandohen edhe më tej nga partitë e mëdha. Sindikatat janë shndërruar thjeshtë në zgjerime komerciale të partive brenda kompanive.

Në nëntor të vitit 2019 një grup i minatorëve nga Bulqiza kanë krijuar një sindikatë të re – Sindikatën e Minatorëve të Bashkuar të Bulqizës (SMBB), e cila premton rritjen e nivelit të përfaqësimin e interesit të punëmarrësve në industrinë e minierave, sektor ky i ekonomisë shqiptare me më së shumti raste vdekjeje. Kompania AlbChrom, e cila administron minierat e Bulqizës, pas themelimit të Sindikatës (SMBB) më 17 nëntor 2019, vetëm pak ditë më pas ka shkarkuar padrejtësisht nga puna disa nga themeluesit e sindikatës, si Elton Debreshi, Beçir Duriçi, Behar Gjimi e Ali Gjeta. Ky nuk është rast i vetëm i parregullsive.

Në këto rrethana, minatori Elton Debreshi, njëherazi kryesues i Sindikatës së Bashkuar të Bulqizës, ka vendosur të paraqet kandidaturën e tij si i pavarur për zgjedhjet parlamentare të 25 prillit.

Eltoni ka deklaruar se qëllimi i tij është të përfaqësoi e mbrojë interesat e mintorëve të Bulqizës dhe të të gjithë Shqipërisë. Ai i takon gjeneratës së tretë të minatorëve nga familja e tij.

Elton Debreshi me rastin e paraqitjeve të tija para mediave ka theksuar qartas: “nëse miratohet dhe mbrohet statusi i minatorit, ai do të tërheqë kandidaturën e tij.” Synimi i tij thelbësor në nuk është që ai të merr një mandat në parlament, por këtë e sheh si mjet për të arritjen e qëllimit.

Fitorja e tij, e cila është afër mendsh, do të ishte një histori suksesi dhe atë jo vetëm për këtë sektor, por për sindikatën e re si të tillë. Kjo fitore do të shërbente gjithashtu si një shembull e model edhe për luftërat sindikaliste në vendet përreth.

LEXO EDHE  Rama i dha pronësinë mbi truallin e Teatrit, Veliaj i lumtur: Ndërtesa nuk ekziston më...

Sipas të dhënave të drejtorisë së Përgjithshme të Doganave (DPD) që nga janari deri në tetor 2020 janë eksportuar gjithsej 253.026 ton krom und ferro-krom. Me ketë rast janë nga eksportuesi më i madh i vendit, AlbChrom janë eksportuar 26.413 ton ferro-krom. 226.613 ton tjera kromi janë eksportuar nga 58 ndërmarrje tjera. Kromi shqiptar në vitin 2020 është eksportuar në vendet vijuese: Mbretëria Tailandës, Emiratet e Bashkuara Arabe, Itali, Kanada, Spanjë, Arabi Saudite, Japoni, Kili, Britani e Madhe, Shtete e Bashkuara të Amerikës, Kinë, Holandë, Rumani, Maqedoni, Austri, Zvicër, Australi, Indi, Gjermani dhe Ukrainë. Gjithashtu sipas Ministrisë për Energji e Industri për në Kinë janë eksportuar 60-65% ferro-krom (FeCr).

Në këto 30 vite tranzicion dhe keq menaxhim, gjatë gjithë fushatave zgjedhore nga ana e politikës është premtuar statusi i minatorit, por porsa kanë kaluar zgjedhjet, partitë që kanë fituar zgjedhjet kanë harruar premtimet e tyre.

Me 21 dhjetor 2020 minatorët sindikalistë të Bulqizës i dorëzuan parlamentit shqiptar peticionin me 10’700 nënshkrime për aprovim të statusit të minatorit.

Minatorët kanë drejtuar 4 kërkesa për parlamentin dhe politikën e vendit:

  • Sigurimin e jetës për minatorët
  • Rritjen e pagave dhe përfitimeve të tjera për minatorët
  • Rritjen e pensioneve për minatorët
  • Garantimin e kujdesit shëndetësor për minatorët dhe ish minatorët

Para një vit e gjysmë Sindikalistët shqiptaro-zviceranë me 24 nëntor 2019, kanë shprehur publikisht solidarizimin me kolegët e tyre të Sindikatës së Minatorëve të Bashkuar të Bulqizës (SMBB) dhe qysh atëherë kanë kërkuar nga institucionet e shtetit shqiptar që të ndërhyjë për të ndaluar presionin që u bëhej drejtuesve të SMBB.

Me atë rast është kërkur gjithashtu: Të shpallet i paligjshëm shkarkimi i kryetarit të SMBB, Elton Debreshi, dhe të garantohet respektimi dhe zbatimi i të drejtës për organizimin e punëtorëve minatorë dhe përfaqësimi i interesave të tyre karshi punëdhënësit, duke dënuar shkeljen e të drejtave, ashtu si i garanton Kushtetuta e Shqipërisë, Kodi i Punës, Konventa Evropiane për të Drejtat e Njeriut dhe Konventat e ILO-s (Organizatës Ndërkombëtare të Punës).

Njëherazi sindikalistët shqiptaro-zviceranë patën apeluar edhe tek sindikatat zvicerane dhe ato evropiane që urgjentisht të angazhohen konkretisht në këtë çështje.”