Mësuesi Kostandin Pula ka denoncuar ditën e sotme një takim elektoral të mbajtur nga Partia Socialiste në ambientet e shkollës Adem Myrta.
E gjithë shpura e Rilindjes zbarkuan ditën e sotme në këtë shkollë në kundërshtim të hapur me ligjin për zgjedhjet, thotë më tej Pula, i cili shpërndan video nga ky takim.
Ai gjithashtu flet dhe për distancimin social që sipas tij nuk po respektohet në takimin në fjalë, ndërkohë ai kërkon nga Prokuroria e Kurbinit të nisë menjëherë hetimet.
“Mitingje elektorale në derë të shkollës???
Të dashur miq!
Drejtori i shkollës Adem Myrta, Kryetarja e Bashkisë, dhe e gjithë shpura e Rilindjes, zbarkuan sot në shkollën ku unë jap mësim, në kundërshtim të hapur me ligjin për zgjedhjet.
Sipas ligjit 69/2012, dhe kodit zgjedhor, tubimet elektorale NUK LEJOHEN brenda territorit të shkollave.
Diçka tjetër që duket qartë në videon bashkëngjitur, është distancimi social. Shikoni me vëmendje si qëndrojnë njerëzit ngjitur e ngjitur.
Kërkoj nga Prokuroria e Kurbinit të nisë menjëherë hetimet për këtë çështje,” shkruan Pula.
