Një pikë karburanti në Krujë është grabitur me armë zjarri këtë të Hënë. Autorët sipas policisë janë tre: Dy prej tyre janë arrestuar, ndërsa tjetri është shpallur në kërkim.
Burime zyrtare nga policia njoftuan se ngjarja ka ndodhur në orët e para të mëngjesit, tek Ura e Gjolës, Arrameras, Fushë-Krujë. Persona të maskuar dyshohet se nën kërcënimin e një arme zjarri kanë marrë një sasi vlere monetare në një pikë karburanti dhe janë larguar.
Arrestimet
Bazuar mbi provat e siguruara, specialistët për Hetimin e Krimeve në Komisariatin e Policisë Krujë, nën drejtimin e Prokurorisë së Rrethit Gjyqësor Krujë, bënë të mundur finalizimin e operacionit policor “Gjola”, në kuadër të të cilit u arrestuan në flagrancë shtetasit:
- Ç., 30 vjeç, banues në Nikël, Krujë,
- Ç., 17 vjeç, banues në fshatin Verjon, Krujë,
- Si dhe u bë shpallja në kërkim e shtetasit A. Ç., 17 vjeç, banues në Fshatin Verjon, Krujë.
Të tre janë kushërinj me njëri-tjetrin.
Gjatë operacionit, shërbimet e Policisë kanë gjetur dhe sekuestruar në cilësinë e provës materiale një armë zjarri pushkë, automjetin dhe veshjet e përdorura nga këta shtetas në momentin e ngjarjes.
Ata akuzohen për veprat penale “Vjedhja me armë” kryer në bashkëpunim dhe “Armëmbajtje pa leje”.
