Në prag të muajit të Ramazanit, kryetari i Komunitetit Mysliman Shqiptar, Bujar Spahiu u ka uruar të gjithë besimtarëve agjërim të lehtë në muajin kur Kurani është dërguar si përligjje për njerëzit. Në mesazhin e tij, Spahiu apelon që të jemi më solidarë me familjet në nevojë dhe t’i shtrijmë dorën njëri-tjetrit. Kreu i KMSH-së uron që ky të jetë muaji i faljes, mirëkuptimit, dashurisë, unitetit dhe paqes.
“Me rastin e fillimit të muajit të Ramazanit, ju përcjellë urimet më të sinqerta që ky Ramazan të jetë muaji i mëshirimit të ndërsjelltë me njëri-tjetrin, muaji i faljes dhe mirëkuptimi, muaji i ngritjes morale dhe shpirtërore, për përballimin me sukses të sfidave në të cilat ndodhemi dhe ato që na presin. Ju ftojmë të jemi më solidare me familjet në nevojë, t’i shtrijmë dorën njëri-tjetrit në punë të mbarë.”, shkruhet në njoftim.
