Ish-trajneri i Luftëtarit dhe Kukësit, kampion për herë të dytë radhazi në Mal të Zi

Ish-trajneri i Kukësit dhe Luftëtarit, Mladen Milinkoviç, ka fituar titullin kampion me skuadrën e tij në Malin e Zi, Buduçnost. Këta të fundit kanë zhvilluar një sezon shumë të mirë, teksa janë shkëputur ndjeshëm nga ndjekësit më të afërt.

Buduçnost ka siguruar matematikisht titullin kampion, teksa kryesojnë me 72 pikë, 26 pikë më shumë se ndjekësit e Sutjeska, 7 javë para fundit. Ky është viti i dytë radhazi që Buduçnosti fiton titullin kampion, me  Milinkoviçin në krye të skuadrës.

LEXO EDHE  Foto/ U largua nga Partizani pas 7 vitesh, shikoni momentin emocionues kur Bardhi përshëndetet me tifozët

Kujtojmë se tekniku serb ka drejtuar Luftëtarin, në 40 ndeshje, gjatë sezonit 2016-2017, ndërkohë që në sezonin tjetër ka drejtuar Kukësin, në 18 ndeshje.