Kryeministri Edi Rama i është rikthyer sërish fjalorit vulgar gjatë ligjërimit të tij nga Belshi këtë fillimjave. Në një takimi elektoral ku të pranishme ishin vajza e gra, Rama përmendi “N’oc Rrokun”.
“Premtojnë si Sudja, si Vehbiu, si Xhaferri. Ata që bëjnë të tilla premtime, N’oc Rrokun do u japin, bilës këtë personazh ku ta gjesh”, u shpreh Rama me një zë potent, duke hedhur akuza ndaj opozitës.
“N’oc Rrokun”, në fakt kreu i qeverisë e ka përmendur edhe më herët në fjalimet e tij elektorale.
Disa ditë më parë, lidhur me fjalorin e kryeministrit një reagim erdhi dhe nga Edmond Tupe, ish-akademik dhe autor i disa librave mbi kuptimin e fjalëve.
Tupe shpjegonte se “N’oc Rroku” i referohet organit gjenital mashkullor.
“…Duke parë lajmet, dëgjova zotin Kryeministër, i cili në një tubim publik me një numër banorësh të një qyteti provincial, por simpatik, përmendi dy a tri herë në adresë të opozitës emrin dhe mbiemrin e një zotërie, N’oc Rroku dhe u kujtova që këto dy fjalë, që i kam a s’i kam përdorur dy a tri herë në rininë time të hershme, kanë një kuptim të figurshëm tejet vulgar: Ato shënjojnë organet gjinore të mashkullit…”, shprehej ai.
DENONCO