Tetë viktima dhe 345 raste të reja me koronavirus u raportuan të Hënën në Kosovë.
Sipas Institutit Kombëtar të Shëndetësisë Publike të Kosovës, tre raste të vdekjes u regjistruan në Gjilan dhe nga një në Kamenicë, Lipjan, Pejë, Prishtinë dhe Skënderaj.
Rastet pozitive rezultuan pas 3,208 testimeve.
Në 24-orëshin paraprak, sipas IKSHPK-së, 518 pacientë u shëruan nga koronavirusi.
Me shifrat e fundit, numri i përgjithshëm i të infektuarve në Kosovë arrin në 98,341, i viktimave në 1,996 dhe i të shëruarve në 82,582.
Numri i rasteve aktive është 13,763.
Kosova, aktualisht, ka të kufizuar lëvizjen e qytetarëve nga ora 22:00 deri në 05:00 dhe ka mbyllur veprimtarinë e gastronomisë – në mesin e disa masave të tjera për frenimin e përhapjes së koronavirusit.
