Basha: S’ka minishengen pa Kosovën. Rama, Veliaj e Agaçi duhej të ishin të pandehur

Kreu demokrat Lulzim Basha u shpreh kategorikisht kundër minishengenit, duke u shprehur se nuk mund të ketë proces të tillë duke përjashtuar Kosovën.

Ai tha se është imperative që dialogu Kosovë- Serbi të prodhojë njohjen e ndërsjelltë.

“Duhet zbatim i plotë i proceseve të tjera siç është procesi i Berlinit, siç është EFTA. Si dhe duhet të përgatisim vendet tona për anëtarësimin në Bashkimin Europian, për Shengen-in e vërtetë”, tha Basha.

Lidhur me PPP, kreu demokrat u shpreh se besojmë tek rregullat e barabarta të lojës për të gjithë dhe te konkurrenca e lirë, ndaj dhe besojmë se shumica dërrmuese absolute e të ashtuquajturave kontrata koncensionare apo PPP, kanë thyer, kanë dhunuar pikërisht këto rregulla.

LEXO EDHE  Rama i dha truallin Veliajt/ Aleanca për Teatrin tjetër padi në SPAK, ja çfarë kërkohet

Për çështjen “Beketi”, Basha u shpreh se Kryeministri, kryetari i Bashkisë dhe Sekretari i Përgjithshëm, që sot duhet të ishin të tre të pandehur, mbyllën një media për shkak të qëndrimeve kritike ndaj qeverisë.