Burreli dhe Dinamo do të luftojnë deri në fund për t’u ngjitur në Superiore. Matjanët kanë bërë detyrën ditën e sotme, duke fituar në transfertë me skuadrën e Vorës me shifrat 0-3.
Në Peshkopi ndërkohë ndeshje ishte shumë emocionuese, me Korabin që u mposht nga Dinamo me përmbysje.
Ky duel përfundoi më rezultatin 1-2 dhe ishte Taulant Marku që shënoi i pari, por më pas Djidjiëa dhe Welber mposhtën dy herë portierin e dibranëve dhe i dhanë tre pikët Dinamos, që ngjitet në vendin e dytë me dy pikë më pak se Burreli.
Gara për mbijetesë në grupin A vijon të jetë interesante, pasi Partizani B dhe Oriku kanë marrë pikët e plota. Vlonjatët iu falën Branicës në ndeshjen me Besëlidhjen, kurse Bërdufi dhe Zani i dhanë tre pikët skuadrës së Partizanit B në Shkodër kundër Veleçikut.
Më ndryshe situatë në grupin B, pasi Lushnja ka marrë tre pikët kundër Elbasanit të vendit të fundit. Fatet e kësaj ndeshjeje i vendosi sulmuesi Vilfor Hysaj.
GRUPI A (PLAY-OUT)
Veleçiku-Partizani B 0-2
Oriku-Besëlidhja 1-0
GRUPI B (PLAY-OUT)
Elbasani-Lushnja 0-1
