Ministri i Rindërtimit Arben Ahmetaj ka njoftuar se ditën e djeshme ka marrë autorizim nga Qeveria shqiptare për të negociuar për 50 mijë doza vaksinash Sputnik që do të vijnë në javët e ardhshme.
Ahmetaj u shpreh se nga java tjetër, të hënën ose të martën do të vijnë edhe 100 mijë doza të tjera vaksina kineze Sinovac.
“Plani i vaksinimit do të vazhdojë me shpejtësi dhe do jemi sërish duke negociuar me vende mike, me prodhues.
Dje kemi marrë autorizimin për të negociuar për 50 mijë doza Sputnik që do vijnë në javët e ardhshme. Do të vijë Sinovac, siç erdhën sot 100 mijë, edhe javën që vjen të hënën ose të martën. Shqiptarët e shohin që përpjekja vazhdon të jetë e madhe”, tha Ahmetaj.
