I moshuari që dyshohet se ka qëlluar veten me armë duke humbur jetën këtë të Enjte, mësohet se ishte i infektuar me koronavirus.
Ngjarja ka ndodhur rreth orës 10:40 në Fushë-Milot – Kurbin. Në banesën e tij dyshohet së është vetëvrarë me armë gjahu shtetasi T.K., 77 vjeç, njoftoi policia.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes, shtuan të njëjtat burime.
Studime të fundit kanë zbuluar se një pjesë e konsiderueshme e personave që preken nga koronavirusi vuajnë nga probleme të shëndetit mendor.
Kjo herë e disatë që në vendin tonë, persona të infektuar me Covid tentojnë vetëvrasjen apo vrasin vetën. Disa prej rasteve madje janë shënuar në spitalet Covid, ku persona me koronavirus të hospitalizuar, i kanë dhënë fund jetës duke u hedhur nga ballkonet e spitalit.
