Kreu i opozitës, Lulzim Basha, në vizitën e tij në Peqin, është ndalur në fshatin Pajovë ku ka biseduar me fermerë të këtij fshati. Fermerët thanë se nuk kanë marrë asnjë subvencion dhe nuk është bërë asnjë investim në infrastrukturën bujqësore. Ata gjithashtu shprehën mbështetje për Partinë Demokratike më 25 prill.
Basha tha se gjendja e keqe e fermerëve e 8 viteve të fundit, është për shkak të qeverisë që nuk ka alokuar subvencione as sa vendet si Maqedonia e Veriut dhe Kosova, që kanë buxhet më të vogël se Shqipëria.
Ai tha se vota e 25 prillit për Partinë Demokratike, mundëson vit për vit, minimalisht 100 milionë euro subvencione mbështetje drejt për drejt për fermerët.
Paratë do shkojnë nga buxheti i shtetit te fermeri jo nëpërmjet burokracive dhe pa qenë nevoja për Nipt, shtoi Basha.
Ai gjithashtu tha se fondet e Bashkimit Europian për bujqësinë do të shkojnë tek fermeri dhe jo për afera si ajo e “Beketi-it” apo koncesione korruptive.
