Një deklaratë disi e çuditshme ajo e ministres së Transporteve, Belinda Balluku e cila akuzoi ish-kryeministrin Sali Berisha dhe Presidentin Ilir Meta për ndërprerjen e punës nga ana e kontrollorëve në Rinas.
Ballu, në një deklaratë për mediat pas takimit me kontrollorët që kanë ndërprerë punën, duke sjellë edhe mbylljen e aeroportit të Rinasit të paktën deri paraditen e nesërme, akuzoi drejtpërdrejt ish-kryeministrin Berisha.
“Kam ndjekur me vëmendje Sali Berishën i cili ka një ekzaltim të madh sepse do të mbyllet aeroporti i vetëm ndërkombëtar. E gjitha kjo është një organizim i mirëfilltë politik për shkak të fushatës. Sot në aeroportin e Rinasit nuk do të vijnë dot vaksinat që duhet të vinin për të vazhduar vaksinimin e shqiptarëve”, tha Balluku.
Akuza të tërthorta hodhi dhe ndaj Presidentit Ilir Meta.
“Unë do t’i kërkoja Presidentit të Republikës i cili i ka takuar më parë i ka takuar dhe i ka informacion kontrollorëve të trafikut ajror. Do të doja të dija nga zoti Meta a mendon se do të duhet të bllokohet ardhja e vaksinave’? A duhet vendi të kapet peng është një grusht shtetit, a duhet të kapet nga disa persona të cilat janë të stresuar me pagën 2490 dollare dhe nëse nuk ja bëjnë 4490 dollarë atëherë ato do të mbajnë vendin peng. Erdha në Rinas, ose të iki dhe të bjerë vendimi i këshillit mbikqëyrës erdha të flas me ato se kjo nuk është një lojë këtu preket çdo qytetar i RSH dhe siguar e qytetarëve dhe lëvizja e lirë e qytetarëve. Nuk është një lojë nga ky moment do të nda duhet të marrim disa masa ligjore. Nuk do të jenë të mira për maskën dhe do të jenë edhe për navigimin ajror. Të gjithë kontrollorët e trafikut ajror janë trajnuar në akademitë më të mira”, shtoi Balluku.
