Vjosa Osmani, e cila u zgjodh Presidente me 71 vota pro, do të marrë ditën sotme zyrtarisht detyrën e re.
Mediat e Kosovës, bëjnë me dije se sipas një njoftimi nga presidenca, Osmani do të marrë detyrën pa ceremoni shtetërore. Mësohet se ky vendim është marrë për shkak të pandemisë së Covid-19.
Sipas njoftimit sot do të organizohen një sërë aktivitetesh për të shënuar pranimin e detyrës së Presidentes së Republikës së Kosovës.
“Presidentja Osmani do të bëjë homazhe te varri i Ibrahim Rugovës dhe Adem Jasharit.Për shkak të situatës aktuale me pandeminë COVID-19 nuk do të organizohet një Ceremoni e Inaugurimit të Presidentes së Republikës së Kosovës.“
Mirëpo, do të organizohen një sërë aktivitetesh për ta shënuar pranimin e detyrës së Presidentes së Republikës së Kosovës dhe të cilat janë përshtatur me rrethanat.”
Osmani mori detyrën e presidentes së Kosovës në seancën e mbajtur të dielën, duke marrë 71 vota në rundin e tretë.
