Tritan Shehu në Memaliaj: Mbizotëron shpresa për ndryshim

Drejtuesi politik i PD-së në Gjirokastër, njëherësh edhe kandidat për deputet në këtë qark, Tritan Shehu ka zhvilluar një takim me qytetarë në Memaliaj, ku thotë se varfëria është e dukshme, por sipas tij, shpresa për ndryshim mbizotëron.

”Presim 25 prillin që me votë të rrëzojmë këtë qeveri të kalbur nga korrupsioni në çdo qelizë. Prandaj duhet dalë të votohet masivisht. Ndryshimi është i mundur. Lista e deputetëve të PD-së, është listë fituese”, shkruan Shehu në një postim në rrjetet sociale.

Postimi i plotë

LEXO EDHE  Rrezikoi disa banesa pasi i vuri flakën ullishtes, arrestohet një person nga Fieri

Një takim i veçantë dhe produktiv me biznesin e vogël në Memaliaj. Shumë e dukshme varfëria, mospërballimi i taksave, gjithnjë e më të larta.

Mungesa e ndihmës dhe përkrahjes së shtetit, sidomos në këtë kohë pandemie të gjatë i ka çuar drejt rrënimit. Por shpresa për ndryshim është më e dukshme se kurrë.

Presim 25 prillin që me votë të rrëzojmë këtë qeveri të kalbur nga korrupsioni në çdo qelizë. Prandaj duhet dalë të votohet masivisht. Ndryshimi është i mundur. Lista e deputetëve të PD-së, është listë fituese.