Aktori britanik Paul Ritter ka ndërruar jetë në moshën 54-vjeçare.
Aktori britanik, i cili luajti në “Harry Potter and the Half-Blood Prince” dhe në “Quantum Of Solace”, u diagnostikua me kancer në tru, kohë më parë.
“Është një trishtim i madh për ne që të njoftojmë se Paul Ritter ka vdekur. Ai vdiq i qetë në shtëpi me gruan dhe dy djemtë në krah. Ai ishte 54 vjeç dhe ishte diagnostikuar me kancer në tru. Paul ishte një talent i jashtëzakonshëm që çdo rol në skenë e interpretoi me shumë lehtësi. Ai ishte një njeri i zgjuar, i mirë dhe me humor. Të gjithë do ta humbasin atë”- thuhet në një deklartë nga menaxheri i tij.
Ritter ka pasur dhjetëra paraqitje në seri televizive, më së shumti “Çernobili”.
